Andresadas |
 http://andresito_gal.blogia.com Benvidos ó web blog de Andrés Rozados Lorenzo, alumno da facultade de Ciencias Sociais e da Comunicación ( estudando, ou intentándoo , Publicidade e Relacións Públicas) en Pontevedra. Neste blog quero expresar a miña opinión con total sinceridade e liberdade sobre temas de onte, de hoxe e de mañá. Ofrecervos todas aquelas pequenas cousas que nos alegran, e tamén entristecen, na nosa vida.
|
|
|
Se muestran los artículos pertenecientes al tema Política. Descarga aquí a montaxe sobre os matrimonios homosexuais Este é un traballo para a práctica da asignatura de Opinión Pública. A profesora díxonos de localizar un fenómeno de opinión pública e analizalo. Nós, decidimos realizar unha análise sobre os matrimonios homosexuais, pero precisabamos coñecer millor a opinión da xente... E a verdade é que esta sorprendeunos... Desde que ía contra natura, que era unha desviación... Ata que debería de levarse a cabo hai anos antes e que a Igrexa debería calar... Simplesmente vede a montaxe, e que cada un que saque as súas próprias conclusións... Espero que o desfrutedes! Descarga aquí este vídeo de minuto e medio, no que "busca" as verdades da FAES Tras as eleccións de marzal de 2004, nas que o día 14 dese mes, saiu victorioso o PSOE, multitude de organizacións fascistas afirman ter a verdadeira razón da súa victoria: a manipulación do resultado electoral vén dado polos horribles atentados acontecidos o 11-M... Participaron os socialistas, ou coma eles denominan "la izquierda española" na colocación das bombas? Aproveitaron os socialistas o horrible atentado para lograr captar máis votos o 14 de marzo?... Estas dúbidas (que non deberían nin tan sequera ser plantexadas), son algunhas das realizadas no bochornoso vídeo da FAES, no que afirma que algunha das primeiras preguntas dos terroristas arrestados foi: Quen gañou as eleccións? Paréceme vergonzoso que alguén poida dicir que un goberno gañou unhas eleccións aproveitándose dalgo de tal gravedade e tan serio coma o 11-M, o atentado máis amargo e con máis víctimas en territorio español... Non sería que o chamado "voto útil" xurdiu efecto? Non será que máis da metade de España deuse conta que o goberno do PP mentía, inganaba e roubaba ós españois...? O fuel oil non foi esparcido polos socialistas (o cal non quere dicir que se estiveran eles no goberno, non puidese suceder de igual xeito a catástrofe), nin tampouco enviou ás tropas españolas á Guerra do Iraque... En vez de pensar no 11-M, por que non se preocuparon do resto de graves erros que cometeron durante oito anos??? Este vídeo é toda unha delicatese para todo aquel que queira comparar un con outro... Descarga a quí a visita de Aznar a San Lázaro Nunca Máis reúne para nós, os "millores" momentos dos dirixentes do Partido Popular en visitas ó noso país... Non hai máis que ver coma foi recibido Jose María García Aznar o 26 de Xaneiro de 2003, nunha visita á capital de Galicia, onde paseou polas distintas delegacións do goberno e asistiu o pazo de exposicións de Galicia a recibir unha conferencia sobre a situación que estaba a sufrir Galicia naqueles tempos... Mentres paseaba, aí temos os victores da xente, alabando o noso presidente... Isto é digno de ser escoitado... |
Blog creado con Blogia.
Blogia apoya: Fundación Josep Carreras
O presidente do goberno, José Luis Rodríguez Zapatero, afirma poder respectar a Constitución Española de 1978 no seu Artigo II, denominando Cataluña dunha maneira satisfactoria para todos... Porque moitos cataláns afirman que a súa comunidade é unha nación, e moitos españois cren que España é a única nación, segundo o presidente, débense respectar a todos. Pero no propio partido hai multitude de opinións: Maragall non estaría totalmente en contra se Cataluña fora denominada nación, mentres que Ibarra, o presidente de Extremadura, mantén que non permitirá que Cataluña sexa catalogada coma nación. O ministro de Defensa, José Bono expón que nación soamente pode ser España senón se trocan algúns dos artigos da Constitución.
Xa estamos un pouco fartos de todo o que está a pasar na alambrada de Melilla, na que, desgraciadamente morreron persoas por motivo dos disparos de Deus sabe quen... As solucións non son viables. O problema da inmigración está descontrolado. Os inmigrantes non saben que facer xa para entrar noutro país, que representa un novo mundo, aínda que despois cheguen aquí e se rebaixen os piores traballos que hai. Veñen a traballar de forma humilde e sen tratar de molestar a ninguén. Arriscan a súa vida tratando de cruzar un alamio espiñoso e cando por fin logran tal fazaña, cheos de cortes e cardenais, son enviados de novo o seu país, cando todo o esforzo e ilusión co que entraron son feitos añicos... Agora o goberno plantexa exilialos ó deserto, para evitar que haxa problemas... De verdade crean eles problemas? Unha persoa é ilegal? Ninguén debería ser ilegal en ningún país... non? 
Por que non temos información dun clube que existe e ten as rendas do destino do mundo e polo tanto das nosas vidas? Algo se oe, algún comentario. algún titular... pero ninguén ofrece información que nos clarifique... quen son? que queren? en definitiva, que é o clube bilderberg? Parece ser que algúns programas de 
Gustaríavos coñecer os arquivos ocultos, as cousas que ninguén soubo, quixo saber nin puido averiguar? Todo iso témolo nun arquivo pdf, para todos aqueles que queiran saber cales son as experiencias, os fraudes, as maiores pantomimas da historia deste partido.
A continuación, unha das perlas máis coñecidas do noso EXPRESIDENTE da 
A continuación facilitovos un comunicado do Partido Falangista (FE-JONS), no cal anuncia unha serie de empresas que axudan a financiar a HB e tamén a ETA directamente... Non sei que máis se lle ocurrirá dicir a estes... De todos xeitos, aquí tedes o seu comunicado (traducido ó galego)
A asociación terrorista irlandesa IRA (Ireland Republican Army) está a piques de ser desarmada tras oito anos de conversa, negociación e diálogo para a paz. Tralo acordo firmado un venres Santo de 1998, Irlanda de Norte non vivirá a día de hoxe, máis ataques terrotistas... Así aseguraron dende o goberno central en Dublín, xa que garantizaban o total desarme da organización, eliminando todo o seu arseal. Os comunicados do IRA foron redactados polo seu brazo político, Sinn Fein. Aínda así, os protestantes non se fían do desarme total, argumentando que non hai probas gráficas que demostren esa posibilidade. A partir de agora, un proceso de cambio e negociación sobre o futuro de queda aberto... O fin das armas? Ogallá... A opresión británica?
A asociación terrorista ETA (Euskadi ta Askatusuna, que quere dicir Euskadi e Liberdade), informou logo de que este pasado sábado explotase en Palencia un artefacto onde houbo graves daños materiais, ainda que ningún ferido, que a situación actual favorecía un acercamento da organización ó diálogo co goberno. Tamén explosionou o martes outro artefacto en Zaragoza sen danos graves aparentes. O novo sistema político español facilita moito máis o proceso do Estatuto basco, no cal, segundo ETA, buscan proclamar máis dereitos para o seu pobo, e chegar a unha verdadeira Euskal Herría. 
Co goberno do PSOE estáse a comezar a elaborar unha lei que condene a violencia de xénero. Desde xuño do ano pasado, púxose en marcha esta iniciativa que trata de parar e eliminar os maltratos físicos e psicolóxicos aos que moitas mulleres foron sometidas. As denuncias contra homes maltratadores non son suficientes, as ordes de distanciamento, tampouco non. (Máis tarde, un amplo comentario sobre este tema.)